Sinulat ni Ruffa Mae F. Evardo (Philippine Information Agency)
Mismo si National Task Force Deputy Chief Implementer Vince Dizon, mibutyag nga kapin sa upat ka bulan gikan sa paglugsad sa pagpamakuna, ang Pilipinas nakahatag na sa 12 ka milyon nga doses sa mga bakuna batok sa Coronavirus (Covid).
Kini hinuon, layo pa sa tumong nga kab-oton ang 70 milyones nga mabakunahan sa pagtapos sa 2021, matud p sa nasudnong laraw.
Kaniadtong Hulyo 6, 2021 didto sa Clark Ceremonial Vaccination event, giingon ni Dizon nga sulod lang sa duha ka semana, nakahatag na ug duha ka milyon nga bakuna ang nasud.
Dugang pa ni Dizon, ang paghatud sa bakuna batok Covid mahimong malangan tungod kay ang pagpadala sa Sinovac, karon pang Hulyo 18, 2021.
Ug samtang naghulat ang katawhan sa dugang nga bakuna mnga moabut, ang mga naka gikatakda sa pagkuha sa ilang ika-2 nga dose mao una ang hatagan ug prioridad.
Anaa sa kinatibuk-an 8,839,124 ka mga indibidwal na ang nakadawat sa first dose sa bakuna batok Covid samtang ana sa 2,868,905 ang nakakompleto na sa pagpamakuna.
Ang katuyoan sa Pilipinas nga makabakuna ang 50 milyon ngadto sa 70 milyon ka mga Pilipino karong tuiga, aron makuha ang gitumong niini nga herd immunity.