Sinulat ni Analyn Socobos (Philippine Information Agency)
Nag tan-aw ang Philippine Health Insurance Corporation (PhilHealth) karon aron mapanindot ang rate sa coronavirus disease (Covid) benefit package alang sa ma-ospital tungod sa maong sakit.
Matod ni PhilHealth Spokesperson Shirley Domingo nga ipatuman nila sa dili madugay ang bag-ong in-patient package alang sa maigo ug Covid.
Taho ni Domingo niadtong Hulyo 6, 2021 nga gitun-an na sa PhilHealth ang pag-ugmad sa benefits package aron adunay rekomendasyon alang sa naasoy nga lakang.
Dugang pa niya, bisan unsang orasa sa dili madugay ipatuman na ang mas gipaayo nga package alang sa in-patient nga pag-atiman sa ospital sa kadtong naigo sa Covid.
Sa pagkakaron, ang PhilHealth benefit package alang sa pasyente nga na igo ug Covidmao ang mosunod:
- Sa mild pneumonia adunay ₱43,997 nga benepisyo.
- Sa moderate pneumonia adunay ₱143,267 nga benepisyo.
- Sa severe pneumonia adunay ₱333,519 nga benepisyo.
- Sa critical pneumonia adunay ₱786,384 nga ihatag nga benepisyo.
Samtang, si Domingo, miingon nga ang PhilHealth hangtod karon nagabayad sa nagkalain-lain nga healthcare facilities sa katibuk-an nga ₱36 billion alang sa Covid benefit package.