Sinulat ni Dave Albarado gikan sa Philippine Information Agency
Sa nagpadayon nga pagpakigbisug sa kagamhanan sa pagtapos na sa local nga kaguliyang dala sa armadong pakigbisug, sa kriminalidad, terorismo ug illegal nga drugas, gitugyan ni Chief Philippine National Police (CPNP) Gen. Guillermo Lorenzo Eleazar ngadto sa Bohol Provincial Police Office ang 60 ka Galil 5.56mm Basic Assault Rifle (BAR) liboan ka mga bala, mga magazines ug kompleto nga accessories niini.
Ang Galil BAR, usa ka automatic nga hinagiban nga maoy gigamit sa Israeli Defense Forces isip ilang pagsuhid sa AK 47 ug giila nga usa sa mga labing kasaligan nga assault rifles sa tibuok kalibutan.
Sa iyang labing una ug possible nga katapusan nga pagduaw sa Bohol sa iyang nahibiling 4 na lang ka buwan nga pag-alagad sa kapolisan, si Eleazar, kang kinsa nga administrasyon nagtutok sa Intensified Cleanliness Policy (ICP) sa buhatan, organisasyon sa kapolisan ug sa komunidad, gipadayag sa hepe sa PNP ngadto sa mga hepe sa kapolisan sa Bohol nga mitambong sa iyang pagbisita sa Kampo Dagohoy.
Gawas sa pagtugyan sa mga armas ngadto sa BPPO, gisangitusab sa hepe sa PNP sa nasud ngadto sa dughan sa duha ka Bol-anong pulis ang ilang mga Medalya ng Katapangan, sa mga kalampusan niini sa kampanya sa kriminalidad ug sa illegal nga drugas.
Gihatagan sa pasidungog pinaagi sa medalya si Major John Kareem Escober, kinsa maoy misilbe sa arrest warrant sa usa ka giila nga supporter sa kalihukang walhon nga gealegarusab nakakuha sa mga armas ug buhing bala samtang si Lt. Jose Leander Velasquez maoy nakadakop sa usa ka high value drug personality ug nakakuha sa kapin sa P600 mil nga kantidad sa drugas.
Gawas niini, gipahibaw usab sa CPNP nga adunay 16 ka mga body cams nga itugyan ngadto sa mga sakop sa kapolisan sa Tagbilaran.
Matud niya, ang 12 ka mga City Police Offices sa Central Visayas, lakip na ang Tagbilaran City Police Station maoy una nga makadawat sa body cameras nga magamit sa kapolisan taliwala sa pasangil nga daghang ronda sa kapolisan ang adunay mga kwastyonable nga pagpadagan.
Wala may napahat nga body cams alang sa BPPO, gipadayag ni Gen Eleazar nga may pagtugot na sa Korte Suprema ang paggamit sa mga kapolisan sa mga alternatibong recording device sa paghatag ug buhi nga ebidensya sa pagsubay sa balaod sa mga mahitabo nga mga ronda.
Gipadayag pa usab sa hepe sa kapolisan nga wala pugngi ang mga maayo ug kabubut-on nga motabang sa kapolisan sa pagpamalit sa mga body cams kon nakit-an gayud ang krusyal nga tabang niini sa pagpatuman sa balaod ug pag putol sa mga hugaw nga buhat sa pipila ka mg kapolisan nga maoy nagdamay sa limpyong ngalan sa kadagjanan nga anaa sa pwersa.