DOH: PH makadawat ug 3.2M nga single-shot nga ginama sa Johnson & Johnson 

Sinulat ni Ruffa Mae F. Evardo

Ihatod nganhi sa Pilipinas karong umaabot nga Hulyo 19, 2021, ang 3.2 milyon ka doses sa single-shot nga bakuna nga ginama sa Johnson & Johnson (J&J) matud sa Department of Health (DOH).

Matud ni DOH USec. Myrna Cabotaje, ang J&J jabs nga gidonar sa Estados Unidos pinaagi sa Covax Facility, istriktong gamiton sa pagbakuna sa priority groups nga A2 (senior citizens) ug A3 (mga adunay co-morbities)

Dugang usab ni Cabotaje, ang doses sa bakuna sa J&J mahimong kabahin sa 16 milyon nga mga shot sa bakuna nga gilauman nga moabaut karong Hulyo 2021.

Kaniadtong miaging Huwebes, Hulyo 8, 2021,mokabat sa 1,124,100 milyon nga doses sa AstraZeneca jabs nga gidonar sa Japan ang miabut sa Villamor Airbase, samtang sa pagkasunod nga adlaw, 2,028,000 milyon nga dugang nga doses sa AstraZe ica nga gidonar pinaagi sa Covax Facilty ang nahatud na ug madawat na usab sa Pilipinas.

Subay usab niini, kaniadtong Biyernes, Hulyo 9, 2021, nakadawat usab ang Pilipinas ug 132,200 ka doses sa bakuna sa Sputnik V.