Sinulat ni Ann Grace C. Rubia
Gihangop ni President Rodrigo Duterte ang pagpangayo ug pasaylo sa World Bank (WB) kabahin sa pag tumo-tumo ug pasangil sa estado sa mga estudyante nga nga kat-on ug lakip na ang learning utcomes sa Pilipinas.
Bisan pa niini, mipadayag ang presidente nga unta mahatagan sa sakto ug tukma nga paghulagwat ang mga susama niining taho.
“Well, I would not to begrudge World Bank. But itong mga international whatever bodies working on the problems of the world should be very careful in their statistics. It is not good to, you know, commit a wrong internationally. But good as any, we welcome their apology,” pahayag pa ni Duterte.
(Dili nato basolon ang World Bank. Apan, kini sila nga mga international bodies nga nagtutok sa mga suliran sa mga nasud sa kalibutan, kinahangaln gyud unta nga magmatngon ug magamping sa ilang nga datus. Dili maayo paminawon nga makapadayag sila ug sayop. Hinuon, ato nga gihangop ang ilang pagpangayo ug dispensa. )
Niini, miingon si Duterte nga ang Department of Education (DepEd) padayon nga nagtigum alang sa mga bag-ong data nga ilang ipaambit ngadto sa financial institution, aron pinaagi niini makahatag ang World Bank sa sakto’ng report.
Gimanduan usab ni Duterte si DepEd Sec. Leonor Briones nga hatagan ug pagtagad ang maong issue nga gipagawas sa World Bank, ug kinahanglan mahatagan kini dayon og haum nga solusyon kabahin sa issue.
Kalabot niini, ang World Bank mipadayag na sa ilang pag pangayo ug pasaylo, kabahin sa nahimo nilang sayup ug gihatagan nilag higayun ang DepEd sa paghatag sa mga inputs.
Dako ang paglaum sa Presidente nga kini mahatagan ug solusyon sa DepEd ug gi-awhag usab niya ang ahensya sa edukasyon sa paghatag ug tukmang impormasyon kalabot sa education performance sa mga Pilipino nga estudyante.