Sinulat ni Mae Ann Grace C. Rubia
Nakadawat ang Philippine Red Cross (PRC) ug P15 milyon nga donasyon nga salapi gikan sa Banko Sentral ng Pilipinas (BSP) aron matabangan ang mga kabus nga nanginahanglan ug serbisyong pang dinalian o pang emerhensya ilabi na sa transportasyon.
Kini nga donasyon, ubos sa Ambulance Samaritan Fund ug uban pang mga proyekto sa Red Cross.
Matud ni PRC Chairman and chief executive order (CEO), Senator Richard Gordon, malipayon ug dako ang pasalamat sa Philippine Red Cross (PRC) sa Banko Sentral ng Pilipinas sa ilang Chairman nga si Benjamin Diokno.
Ang donasyon mahinungdanon kaayu tungod kay kini makatabang matag minute, sa mga dinalian nga panginahanglan sa mga katawhan ilabi na sa panahon sa emerhensya, matud sa PRC.
Kalabot niini, ang BSP naghatag sa nahigutan nga donasyon tumong sa ika-28 nga anibersaryo sa PRC niadtong Hulyo 3, 2021.
Ang anibersaryo sa Red Cross nagdala sa tema nga padayung lig-unon ang suporta sa labing una nga Humanitarian Organization sa nasud.
Sa laing bahin, sa mi-aging tuig, ang BSP mihatag usab ug P 10 milyon donasyon nga miabot sa 2,014 ka ambulansya ang nagdagan ug nag responde ubos sa Samaritan Funds niini.