Sinulat ni Analyn Y. Socobos
Gipangunhan sa kapolisan sa Getafe ang diyalogo ug lectures kabahin sa Coronavirus disease (Covid), pinaagi sa Covid Awareness Response ug Empowerment (C.A.R.E) InfodemicProgram ngadto sa mga molupyo sa lungsod didto sa Sitio Lawis, Brgy. Tulang, Getafe, Bohol.
Kini uban nila Police Staff Sergeant Crispie Torreon Botero ug Police Community Relations (PCR PNCO) niini nga istasyon ubos sa pagdumala ni Police Captain Fernando Duazo Peroramas, Chief of Police sa naasoy nga lungsod.
Kini nga buluhaton nagpahibalo sa mga pamaagi unsaon paglikay sa sakit aron dili kini dali mo kaylap sa gikan sa maong lungsod ug ngadto sa silinganan nga mga lungsod.
Ang mga partisipante niini nakighiusa sa buluhaton ug nakadawat ug hygiene kits nga magsilbing proteksyon batok Covid.
Kini nagpakita nga ang kapulisan sa Getafe naghuna-huna sa kaayuhan sa mga katawhan sa lungsod aron dili dali matakdan sa sakit, matud pa sa mga tigpaniid.
Niini, ang programa sa kapulisan naghatag ug dugang kasayuran sa mga katawhan ug dugang tubag sa pandemya nga magamit sa adlaw-adlaw nga kinabuhi sa katawhan.
Dako ug tabang ang kapulisan sa maong lungsod sa pagpakaylap sa impormasyon kabahin sa Covid aron malandagan ang huna-huna sa mga katawhan nga mo tuman sa mga balaod nga gimugna sa lungsod batok sa maong sakit kay kini alang ra usab sa kaayuhan sa tanan.