Sinulat ni Dave S. Albarado
Gob. Art Yap padayon ang pagpanghatag ug kaayohan sa kabarangayan atol sa iyang pagbisita sa lungsod sa Bien Unido niadtong Miyerkules, Hulyo 21, 2021.
Personal na gitunol sa gobernador ang tinuig nga tabang pinansyal gikan sa kagamhanang probinsyal nga nagkantidad ug 25,000 ngadto sa barangay Puerto San Pedro, Hingotanan East, Hingotanan West, Bilang Bilangan East, Bilang Bilangan Dako, Sagasa, Mawmawan, Pinamgo, Malingin, Tuboran, Liberty, Poblacion, Nueva Esperanza, Nueva Estrella ug Mandawa.
Gawas niini, aduna usab tay mga kaigsoonan sa industriya sa turismo nga nawad-an ug trabaho nga nakadawat ug financial assistance gikan sa programa sa Departmemr of Tourism, Department of Labor and Employment (DOLE) ug sa kagamhanang probinsyal.
Malipayon usab nga mipaabot sa ilang dakong pasalamat ngadto kang Yap ang mga Child Development Workers sa maong lungsod sa ilang pagdawat sa ilang honoraria nga gihatag sa gobernador.
Kauban sa gobernador sila si Mayor Rene Borenaga, Vice Mayor Monching Arcenal, SB Members Renato Hoylar ug Alex Mabalatan, Board Member Mimi Boniel-Maglasang,Board Member Frans Garcia, kanhi Board Member Jaja Jumamoy ug mga kapitanes ug opisyales sa barangay.