Sinulat ni Analyn Y. Socobos
Gikumpirma sa opisyal sa kasanihan nga adunay 29 sulod sa 119 ka lainlaing kaso sa Delta variant nga nakita sa nasud nga mikatap sa wala pa nabakunahi batok Coronavirus disease, pinasikadsa taho niadtong Miyerkules, Hulyo 28, 2021.
Sa usa ka pagpakighinabi sa telebisyon, miingon si Health Undersecretary Maria Rosario Vergeire nga ang kahimtang sa pagpamakuna sa 77 nga mga kaso, nagpamatuod nga 6 niini ang hingpit nga nabakunahan ug 7 ang nakadawat sa one dose sa bakuna.
Matod sa kalihim, “base niini, bisan kung giingon nga ang pagtuon kabahin sa bakuna sa gawas ug ngani sa sulod sa nasud, dili pa kompleto, apan makita nato nga ang bakuna, epektibo gayud.”
Dugang pa ni Vergeire, kadtong mga natakdan sa Delta variant pagkahuman sa duha ka tupokan sa Covid-nga bakuna nakasinati lang ug mild symptoms o kaha wala simtomasnga gibati.
Nakatala ang Department of Health (DOH) ug 55 nga kinatibuk-an nga mga bag-ong kaso sa Delta variant, 37 niini ang mga lokal nga kaso ug 17 ang gikan sa namauli nga mga overseas Filipinos (ROFs).
Sa pagkakaron, ang 12 nga kaso sa Delta variant lakip na sa 119 nga nagpabilin nga aktibo kaso, hangtod niining panahona.