Balita gikan sa Primer
Nakahimamat sa gobernador ang di mokuwang sa 149 ka mga kabatan-onan sa maong lungsod kauban ang mga kabatan-onan sa lungsod sa Sagbayan, Getafe, Buenavista ug San Isidro sa iyang personal nga pagtunol sa ilang educational subsidy ubos sa programa nga Bohol Educational Subsidy Program ubos sa iyang administrasyon.
Gipakadak-an sa gobernador ang tabang para sa atong mga kabatan-onan hilabi na karong panahon sa pandemya diin dakong hagit kanila ang pag-eskwela.
Gawas niini, nakadawat usab ang atong mga Barangay Nutrition Scholars ug Child Development Workers sa ilang mga honorarium diin gipaningnkamot sa atong gobernador nga ma-apud apud.
Aduna usab tay mga benepisyaryo sa TUPAD o Tulong Panghanapbuhay para sa Ating Disadvantaged/Displaced Workers nga nakadawat sa ilang sweldo sa pagtrabaho sa komunidad sulod sa napulo ka adlaw.
Gidala usab sa gobernador ang Register of Deeds diin aduna tay mga lumulupyo sa maong lungsod nga nakadawat na sa titulo sa ilang mga yuta ubos sa pagpaningkamot sa kagamhanang probinsyal ubos sa pangalagad ni Gob. Yap.
Kauban sa gobernador sila si Mayor Roygie Jumamoy, Councilor Jono Jumamoy, Board MemberMimi Boniel, Former Board Member Jaja Jumamoy, mga opisyales sa lungsod ug kabarangayan.