Sinulat ni Dave Albarado
Si Gob Arthur Yap mibisita sa lungsod sa Sevilla ug Loboc ug nagdala ug mga hinabang alang sa katawhan niadtong Agosto 3, 2021.
Gidala usab sa gobernador ang Heart Caravan sa lungsod sa Sevilla diin nanghatag ang kagamhanang probinsyal ug mga libreng serbisyo alang sa katawhan.
Kauban sa gobernador ang mga buhatan sa kagamhanang probinsyal ug mga ahensya sa gobyerno sama sa Department of Social Welfare and Development, Department of Trade and Industry, Technical Education and Skills Development Authority, ug Register of Deeds.
Gitunol usab sa gobernador ang P100,000 ngadto sa barangay Lagtangan ug laing P100,000 alang sa barangay Calinga-an isip tabang para sa ilang mga proyekto sa panubig.
Gawas niini, mibisita usab si Gob. Yap sa lungsod sa Loboc diin nahimamat niya ang atong mga Barangay Livestock Aides (BALA) sa iyang pagtunol sa ilang honorarium isip pasalamat sa ilang walay puas nga pagserbisyo.
Atong mahinumduman nga ang atong mga BALA dugay na nga nagserbisyo nga boluntaryo ug sa pinakaunang higayon karon sa administrasyon ni Yap nakadawat na sila ug honorarium.
Gitunol usab sa gobernador ang pinansyal nga tabang alang sa ilang mga proyekto sa panubig ngadto sa barangay Bonbon Upper, Bugho, Gon-ob, Calunasan Sur ug Ugpong. Ang matag usa ka barangay nakadawat ug P100,000 nga pinansyal nga hinabang.
Kauban sa gobernador sila si Board Member Elpidio Bonita, Sevilla Sangguniang Bayan Members Marcelita Adolfo ug Ronald Pacatang, Loboc Sangguniang BayannMembers Luisito Digal ug Asterio Calacar ug mga kapitanes ug opisyales sa mga barangay.
