Sinulat ni Elvira Bongosia
Nagpahinumdom ang Department of Health (DOH) sa mga nagdumala sa vaccination rollouts nga siguradohong usa ka brand lamang sa anti-Coronavirus disease (Covid) vaccine ang gamiton matag vaccination site aron malikayan ang vaccine mix-ups.
“Dapat sa isang vaccination site, isang type of vaccine lang ang ginagamit natin. Hindi pwede tayo na may dalawang types tayo na binibigay because that will lead us to these kinds of errors,” (Kinahanglan nga sa usa ka vaccination site, usa ka matang sa bakuna ang gamiton. Dili mahimo nga adunay duha ka klase kay basin magkasinayop.) matud pa sa tigpamaba sa DOH nga si Ma. Rosario Vergeire sa usa ka online briefing.
“So that’s one thing that should serve as a lesson for everybody, let’s follow the guidelines, let’s just retain na isang type lang ng bakuna sa isang vaccination site so that we can prevent further errors (Mao nay angay nato nga makat-onan, sundon gyud kanunay ang guidelines ug ipatuman ang “usa ka matang sa bakuna ang gamiton sa usa ka bukunahanan),” ang pasabot pa ni Vergeire.
Matud pa sa kalihim nga nakig-alayon na ang DOH sa ilang mga rehiyonal nga buhatan kalabot sa insidente ug taho sa anti-Covid vaccine mixing.