Sinulat ni Elvira Bongosia
Gilagdaan na ni Presidente Rodrigo Roa Duterte ang balaod nga nagtinguhang himuong mas sayon ang procedures ug requirements o sistema sa paghatag ug mga titulo sa yuta.
Gilagdaan ni Presidente Duterte ang Republic Act No. 11573, o “an Act Improving the confirmation process for imperfect land titles, introduced amendments to the Public Land Act and the Property Registration Degree.”
“It is the declared policy of the State to simplify, update and harmonize similar and related provisions of land laws in order to simplify and remove ambiguity in its interpretation and implementation,” nakalatid pa sa bag-ong balaod.
Gi-amyendehan niini ang Commonwealth Act 141 ug Presidential Decree 1529 nga nagtinguhang himuong sayon ug mas klaro ang interpretasyon ug implementasyon sa mga magkapareho ug may kalabotan sa mga probisyon sa mga balaod sa yuta.
Ubos sa bag-ong balaod, ang bisan kinsang Filipino occupant mahimong mag-apply alang sa libreng patent alang sa 12 ektarya nga yuta “provided the person occupied and cultivated the alienable and disposable agricultural public land and paid taxes for 20 years preceding the filing.”
Ang mga mo-okupa sa yuta nga public domain o claiming ownership apan ang titulo dili pa kumpleto mahimong magpagawas ug petisyon sa regional trial court sa lslawigan alang sa confirmation sa ilang claims.
Ang mga nakakuha usab ug ownership sa pribadong yuta pinaagi sa right of accession o accretion ug uban pang paagi nga nahisulod sa balaod mahimo usab moduso ug aplikasyon.
Ipagawas sa Department of Environment and Natural Resources (DENR) ang implementing rules and regulations sa RA 11573 sulod sa 60 ka adlaw sukad kini mahimong epektibo.
