Gikan sa Primer
Gob. Arthur Yap nakaisturya ang 55 ka grantees sa Bohol Educational Subsidy Program sa kaitolyo niadtong Agosto 11, 2021, matud sa Provincial Information and Media Relations (PRIMER) sa Kapitolyo.
Gipaabot sa gobernador sa atong mga kabatan-onan ang importansya nila sa atong komunidad hilabi na sa kaugmaon niini.
Gipasabot usab ni Yap kon unsa ka-bilil-hon ang edukasyon ug gi-awhag ang tanan nga kumpletohon ang pag-eskwela.
Gisaad usab sa gobernador nga ang kagamhanang probinsyal mosuporta kanila pinaagi sa pagpalapad sa atong mga scholarship programs.
Nakadawat ang atong mga edtudyante sa lungsod sa Bilar, Pilar, Sierra Bullones, Loboc ug Sevilla ug P3,500 matag usa ubos niining programaha.
Sa laing bahin, nakahinabi usab sa atong gobernador ang mga opisyales sa mga barangay sa lungsod sa Calape atol sa pagpanghatag niya sa ilang tagsa tagsa ka tinuig nga tabang pinansyal gikan sa kagamhanang probinsyal nga nagkantidad ug P25,000.
Nagpasalamat ang gobernador sa ilang dedikasyon ug nanghinaut nga magtinabangay ang tanan hilabi na sa atong gi-atubang nga pandemya.
Mitambong usab sa maong kalihokan sila si Board Member Frans Garcia, Board Member Elpidio Bonita, Board Member Jade Bautista, Board Member Jescelo Adiong ug Mer Ebojo nga representante sa buhatan ni Congressman Edgar Chatto.
