Sinulat ni Rey Anthony Chiu
Nanghinaut ang usa ka mayor sa Bohol nga unta modaghan na ang bakuna nga moabut sa ilang lungsod karon nga mas daghan na ang mga tawo nga gusto magpabakuna.
Didto sa Network Briefing News nga gipadagan sa Presidential Communications Operations Office uban ni Secretary Jose Ruperto Martin Andanar, Agosto 11, 2021, gipadayag ni Garcia Hernandez Mayor Tita Baja nga kini na ang mas maayong panahon sa pamakuna.
Giangkon sa mayor nga kaniadto, daghan sa mga katawhan sa iyang lungsod ang mahimong nakabasa o nasultihan sa mga peke ug sayup nga balita, nga nagpaturok na hinuon sa kahadlok sa pagpamakuna sa katawhan.
Matud sa mga gisawhan nga sayup nga balita, ang bakuna makamatay ug ang matupokan niini mamahimong zombie human sa duh aka tuig.
Apan sa mga eksperto ug sa mga duktor, ang pagpamakuna maoy usa sa mga labing epektibo nga pangontra sa sakit.
Apan, dala na usab sa mga gipasabwag nga mga kasayuran kabahin sa posibleng dili kalikayan nga pagtakud sa laing tawo, ang tawo nga nabakunanan na.
Gani, matud sa Food and Drugs Administration sa Pilipinas, wala pay nabakunahan ug nakakompleto sa iyang gikinahanglang duha ka tupokan, ang naospital, na grabe ug namatay ba hinuon, tungod sa bakuna.
Sa nagladaghan na nga ihap sa mga nangamatay, ang mga katawhan nga nakabantay sa kamatuoran, moagwanta na ug sunod sa tag-as nga pila, basta lamang makakuha sa libre nga bakuna.
Apan, matud pa, tungod sa pagpanic sa mga tawo, nanggawas na hinuon aron maabakunahan sa labing dali nga panahon, saysay sa mayor.
