Sinulat ni Elvira Bongosia
Mahimong magpabilin na lang sa mga kabalayan ug adto ra magpaayo ang mga batag may Coronavirus disease (Covid) nga walay sintomas basta masunod lang ang giya alang sa home isolation, matud pa sa Department of Health (DOH).
“Ang mga batang nagpositibo po sa Covid at walang sintomas o di kaya may mild or moderate na sintomas ay maaari munang alagaan sa ating bahay basta titiyakin po natin na nasusunod ang mga gabay for home isolation,” (Ang mga bata nga magpositibo sa Covid ug walay sintomas o kaha mild moderate nga sintomas mahimo nga anaa lang sa balay kinahanglan lang nga matuman ang mga lagda alang sa home isolation) matud pa ni DOH Usec. Maria Rosario Vergeire sa usa ka briefing sa Malakanyang.
Matud pa sa tigpamaba sa DOH nga posible ang pagpaayo sa balay lamang sa usa ka pasyenteng adunay mild nga sintomas o asymptomatic kun adunay kaugalingon siyang kwarto ug banyo sa sulod, apan kinahanglan gihapon susihon sa usa ka health professional ug lokal nga kagamhanan.
Sa laing bahin, ang mga bata usab nga kinahanglang dalhon sa isolation facility ug ospital kinahanglang ubanan sa kapamilya, matud pa ni Vergeire.
“Kung hindi po ito pwede mangyari ay maaaring sa bahay na lang po mag-quarantine or isolate ang ating mga kabataan,” matud pa sa kalihim. (Kun dili mahimo, tugutan na ang bata nga sa balay nalang mag quarantine o isolate.)
