Sinulat ni Elvira Bongosia
Maapil na sa PhilHealth Covid package ang mga pasyenteng kwalipikadong adto magpaayo sa ilang balay o mag-home quarantine.
Matud pa sa PhilHealth nga aron mabayran ang ilang mga gastos sa pagpaayo sa Covid, angay moduso ang usa ka pasyente ug social and clinical criteria nga gitakda alang sa home quarantine.
Siguradong maapil dinhi ang mga pasyenteng adunay mild ug asymptomatic sa Covid, base sa PhilHealth circular 2021-0014 o ang Covid Home Isolation Package (CHIBP) nga gi-post sa social media sa buhatan.
“This PhilHealth circular shall apply to all claims for home isolation services filled by accredited PhilHealth isolation facilities, infirmaries, hospitals and Konsulta providers who have accomplished the necessary documentary requirements to provide the CHIBP,” (Ang maong sirkular sa Philhealth adunay labot sa tanang claim sa serbisyo alang sa home isolation, mga infirmaries, ospital ug Konsulta providers nga nakakompleto sa mga dokumento nga makahatag ug CHIBP.) nakalatid sa PhilHealth sirkular.
Giklaro sa PhilHealth nga ang nahisgotang package mahatag lang sa mga accredited nga pasilidad sa mga lugar nga may surge o pagsaka sa mga kaso sa Covid nga gitumbok sa Inter Agency Task Force (IATF).
Samtang mahimong moduso ug application ang mga pasilidad hangtod sa Disyembre 2021. Ang mga pasyenteng mopaubos sa CHIBP angay nagpuyo usab sa high-risk area.
“Patients shall shoulder payment for services not included in the package,” pagklaro sa PhilHealth. (Ang pasyente maoy mubayad sa galastohon sa mga serbisyo nga walay labot sa package.)
