Sinulat ni Rey Anthony Chiu
Magpabakuna, dili lamang alang sa kaugalingon nga panalipod, apan alang usab sa mga kabataan ug sa mga komunidad nga mahimong matakdan.
Kini maoy panawagan ni Gretchel Mula, Sangguniang Kabataan Federated President sa lungsod sa Tubigon, kinsa nahimong guest sa Network Briefing News, niadtong Agosto 24, 2021.
Programa nga kasagaran gidumala ni Presidential Communications Operations Office Secretary Martin Andanar, ang Network Briefing News sa Agosto 24, 2021 gidumala ni Aljo Bendijo.
Sa programa, gitaho ni Mula, kinsa maoy pangulo sa laing 33 ka mga SK Chairpersons sa 28 ka barangay sa mainland ug 6 ka island barangays, nga hanoy man unta ang pagpamakuna sa lungsod, daghan pa gihapon ang wala pa mabakunahi tungod sa mga kahadlok sa epekto sa bakuna.
Una na nga gitaho ni Mayor William Jao, sa susamang lungsod nga anaa pa sa 10% sa molupyo sa lungsod ang nabakunahan, subay sa ilang prayoridad.
“I suggest, or we encourage everyone to get vaccinated because it is the safest way to prevent from suffering the pains and associated with the disease,” (Ato nga giaghat ang tanan sa pagpabakuna kay kini maoy labong luwas nga paagi aron dili na mag-agwanta sa sakit ug kahasol nga dala sa COVID,) matud niya.
Sa iyang panawagan sa mga kabatan-onan, bisan pa sa iyang giingon nga hanoy ug maayo pa gihapon ang pagdagan sa pamakuna, iya usab nga gidayeg ang padayon nga pagsunod sa minimum public health protocols aron kalikayan ang Coronavirus disease (Covid).
Sa mga kabatan-onan nga possible nga nakabasa sa mga peke nga balita, gi-aghat usab niya nga mosunod sa Facebook page sa LGU Tubigon aron magiyahan sa sakto ug kasaligan nga kasayuran.
Matud pa ni Mayor Jao, sa susamang NBN nga mikabat na sa 4,340 ang mga Tubignon nga anaa sa ilang priority list ang nabakunahan sa gikinahanglan nga duha ka tupokan alang sa kompleto nga napalipod batok sa COVID.
Kapin na usab sa duh aka libo ka molupyo ang nabakunahan sa unang tupokan, dugang sa mayor.
Niadtong unang buwan, ginulo sa mayor nga daghan na unta nga mga Tubignon ang interesado nga magpabakuna.
Apan, dugang niya, dili pa kayo daghan ang bakuna nga nahidangat sa lungsod , mao nga medyo dili pa daghan ang nabakunahan.
Ang Tubigon, usa unta ka first class nga lungsod apan, sa pagdasmag sa pandemya, namingaw ang ilang mga kalihokang pang-ekonomiya, tungod usab sa lagda sa pagseguro sa kaluwasan sa katawhan.
Ato nga gitimbang timbang ang ekonomiya ug ug ang pagseguro nga luwas usab ang katawhan, saysay sa mayor.
Lungsod nga grabeng naapektohan sa pagpanira sa mga utlanan, nawad-an ug panginabuhian ang mga anaa sa transportasyon, sa panakyanan sa dagat ug kadtong naglihok sa industriya sa turismo.
Ang Tubigon may kasagaran nga 5,000 ngadto sa 8,000 ka tawo ang molabay ug mosakay sa bisan hain sa 24 ka mga byahe sa barko nga maggabas-gabas paingon sa Sugbu ug balik sa pantalan sa Tubigon, sa wala pa ang pandemya.
Kapin sa usa ka libo ang tricycles ug mga tig calamay ang nawad-an ug trabaho ang karon laraw sa lungsod nga tabangan, aron mas dali nga mahibalik na sa normal ang panginabuhian sa lungsod.
Niini, aghat usab sa mayor ngadto sa mga manabo-ay sa lungsod ug sa mga namaligya sa merkado: magmask kanunay ug sundon ang social distancing, samtang anaa pa sa pandemya.