Bohol Tribune
Bisaya

Moderna nga bakuna alang sa mga nag-edad 12 hangtod 17 anyos, gitun-an sa FDA

Sinulat ni Elvira Bongosia

Gitun-an sa Food and Drugs Administration (FDA) kun hatagan ug Emergency Use Authorization (EUA) ang Moderna Coronavirus disease (Covid) vaccines aron magamit sa mga nag-edad ug 12 hangtod 17 anyos.

Sa usa ka pahayag, gibutyag ni FDA director general Eric Domingo nga nakasumite na ug aplikasyon ang US vaccine developer nga Moderna niadtong Agosto 19, 2021.

Matud pa nga gipaabot nga makumpleto sa FDA ang gipahigayong evaluation sa mga clinical data nga gisumite sa Moderna sa mga mosunod nga semana.

Kahinumdoman nga una nang gi-aprobahan sa FDA ang paggamit sa Pfizer-BioNTech vaccine sa may edad 12 hangtod 15 anyos.

Kun maaprobahan ang maong EUA, ikaduha na ang Moderna sa mga bakunang mahimong gamiton sa mga may edad nga 12 hangtod 17 anyos.

Samtang giklaro sa FDA nga bisan makakuha ug approval ang Moderna, wala kini nagpasabot nga mahimong kining magamit dayon sa nahisgotang mga edad tungod kay mas prayoridad sa gobyerno nga mabakunahan ang mga naa sa priority list.

Related posts

Paghatag ug hazard pay sa mga kawani sa gobyerno nga ubos sa MECQ, aprobado na

The Bohol Tribune
4 years ago

Bakuna batok COVID-19 walay nanobots ug dili makabag-o sa genetic code sa DNA – DOH

The Bohol Tribune
4 years ago

DA-ACPC andam magpautang ug kwartangadto sa mga maguuma, mananagatsa Bohol

The Bohol Tribune
3 years ago
Exit mobile version