Sinulat ni Dave Albarado
Ang Senado pinaagi kang Sen. Christopher “Bong” Go mipahalipay sa mga Pilipinong bayani sa Olympics human sila mipakita ug talagsaon nga performance diin upat ka medalya ang nasakmit sa atong atleta nga maoy kinadaghanon nga nakuha nga medalya sa maong sports competition.
Ang mga atletang nakadaog linawas nga mitambong sa session sa Senado niadtong Lunes, Sept. 6, 2021.
Mitug-an si Go nga gamhanan kaayo ang sports nga makapahiusa sa nasud. Gipasalamatan ni Go ang mga atleta ug giawhag sila nga padayon nga hatagan ug paglaum ang minilyon ka mga Pilipino nga karon gihagit sa mga hulga gumikan sa pandemya.
“I extend my warmest felicitations and utmost support to our Filipino athletes who participated and exemplified admirable dedication and perseverance in different sporting categories during the Tokyo Olympics. I also would like to place into the record that this will serve as one of the greatest moments in Philippine sports history,” Go said. (Akong ipadangat ang akong pahalipay ug suporta sa atong mga atletang Pilipino nga misalmot ug nagpakita ug dedikasyon ug paningkamot sa nagkalain laing matang sa sporting events sa Tokyo Olympics ug akong ipabutang sa record nga kini magsilbi ang usa sa mga maayong higayon sa kasaysayan sa sports sa Pilipinas.)
Ang mga pasidunggog ug pagyukbo sa mga atleta mao ang mahimong tinub-dan sa inspirasyon alang sa panaghiusa sa nasud.
Si Go, mao ang chairman sa Senate Committee on Sports, personal nga mihatag ug Senate Medal of Excellence nga giila ang dunggog nga gidala sa mga atleta.
Ang weightlifter nga si Hidilyn Diaz nakakuha ug usa ka bulawang medalya, nakakuha ang mga boksidor nga sila si Nesthy Petecio ug si Carlo Paalam ug nakakuha ug bronze medal si Eumir Marcial.
Sila usab makadawat ug mga insentibo diin P1 million ang makuha ni Diaz, P500,000 matag usa kang Petecio ug kang Paalam ug P400,000 alang kang Marcial.
