Sinulat ni Elvira Bongosia
Nipasidaan ang Food and Drugs Administration (FDA) sa publiko kalabot sa mga pag-angkon sa nagkalain-laing kompanya nga giingong mahimong gamiton ang mga produktong nasal spray aron malikayan o pagtambal sa Coronavirus disease (Covid).
Sa gipagawas nga advisory, miingon ang FDA nga ang maong mga produktong nasal spray gitogotang gamiton sa Pilipinas isip medical devices nga gituyo aron gamiton sa mubong panahon lamang ug gigamit isip mechanical barriers sa mga particulates.
Gitumbok sa FDA nga ang maong mga produktong sprays nga mobalos sa nasal mucosa sa mga sangkap nga adunay non-specific effect batok sa mga pathogens.
Matud pa nga dili kini angay gamiton isip substitutes o puli sa mga tambal ug bakuna aron malikayan o matambalan ang Covid infection.
Kalabot niini, gi-awhag sa FDA ang publiko nga mag-amping sa paggamit sa mga produkto nga adunay claims o mga pag-angkon batok sa paglikay ug pagtambal sa Covid.
