Sinulat ni Elvira Bongosia
Giklaro sa Department of Health (DOH) nga ang real time-polymerase chain reaction (RT-PCR) testing nagpabiling gold standard aron makumpirma ang presensya sa SARS-CoV-2, nga maoy hinungdan sa Coronavirus disease (Covid).
Gawas niini, ang tests kits nga gigamit sa nasod gisusi sa Research Institute for Tropical Medicine (RITM).
Ang sangputanan sa usa ka resulta sa laboratory test maimpluwensyahan ug daghang mga hinungdan nga nakaapekto sa tanang mga yugto sa pagsulay gikan sa pre-analytic, analytic hangtod post-analytic (gikan specimen collection, specimen transport, specimen evaluation, nucleic acid extraction, testing, results analysis, verification ug releasing).
Ang tanang tests kinahanglang mahatagan ug kahulogan gamit ang epidemiological ug klinikal nga sitwasyon sa pasyente.
Nauna niini, miingon si Presidente Rodrigo Roa Duterte nga daghang false positive results ang RT-PCR test sa Philippine Red Cross (PRC).
Sa gipagawas usab nga pahayag sa PRC, miingon kini nga ang tanang mga laboratoryo sa PRC base sa mga protocol nga gitakda sa mga naghimo agi ug pagsunod sa mga sumbanan nga gitakda sa DOH ug sa RITM.
