Sinulat ni Elvira Bongosia
Nakadawat ang lalawigan sa Bohol ug dugang nga mga bakuna nga Sinovac ug Sputnik V.
Kinatibuk-ang 5,000 ka doses sa Sinovac ug 3,250 doses sa Sputnik V (component 2) ang niabot sa Bohol Miyerkoles, Setyembre 22, 2021.
Sa pag-abot sa mga dugang doses sa mga bakuna, nikabat na sa kinatibuk-ang 456,692 ka mga bakuna ang nadawat sa lalawigan.
Gilangkoban kini sa mga bakuna nga Sinovac, Aztrazeneca, Sputnik V, Pfizer, Johnson & Johnson, Moderna ug Sinopharm.
Maayong balita kini alang sa mga Bol-anon tungod sa nagkanihit na usab ang supply sa bakuna nga miabot sa lalawigan.
Ang Bohol, matud pa sa mga taho, nagsalig lamang sa bakuna nga ikapadangat nganhi sa nasudnong kagamhanan.
Matud sa mga batid sa sakit ug epidemya, ang pagpabakuna aron kahatagan ang lawas sa tukma nga depensa batok sa sakit, mao lamay labing kasaligang pangontra sa makalilisang nga Coronavirus disease (Covid).
