Sinulat ni Elvira Bongosia
Mahimo nang makadawat ug cash assistance pinaagi sa pag-apply sa Employees Compensation Commission (ECC) ang mga empleyadong naigo sa coronavirus disease (Covid).
Matud pa sa gipagawas nga pahayag sa ECC, mahimong ipadala ang mga aplikasyon ug uban pang dokumento pinaagi sa mga courier services.
Ang cash assistance program benepisyo sa ECC nga kasagarang nagkantidad ug P10,000 hangtod P15,000 kun masakit o mamatay ang usa ka empleyado.
Mahimong ipadala sa mga aplikante ang ilang proof of approved EC claim gikan sa Social Security System (SSS) o Government Service Insurance System (GSIS), accomplished cash assistance form ug kopya sa duha ka government issued ID.
Apil usab sa requirements ang bisan unsang medical o quarantine certificate sama sa real time-polymerasw chain reaction (RT-PCR) positive test result ug rapid antigen test result nga adunay medical certificate.
