Sinulat ni Elvira Bongosia
Naglaom pa gihapon ang Presidential Communications Operations Office (PCOO) nga mapalabang ang Freedom of Information (FOI) program ubos sa administrasyong Duterte.
Tungod niini, padayon pa gihapon ang panawagan sa ahensya sa Kongreso nga ipasa na ang programa pinaagi sa mga nakapending pa nga balaodnon.
“Our campaign against corruption will end right away, because for example this Freedom of Information is not yet a law. It is not being passed by the Congress yet,” pahayag ni PCOO Secretary Martin Andanar niadtong Sept. 25, 2021.
(Atong kampanya batok korupsyon mahuman na kay ang Freedom of Information wala pa nahimong bala-od. Wala pa napasar sa Kongreso.)
Kahinumdoman nga gihangyo sa PCOO nga iapil ang FOI law sa agenda ni Presidente Rodrigo Roa Duterte niadtong 2020.
Pag-awhag ni Andanar, usa sa pinakamaayong solusyon batok sa korapsyon ang FOI.
“Whether the next administration will continue to promote this [FOI] or not, us under the Duterte administration believe that this is one of the greatest solutions to get rid of corruption,” matud pa ni Andanar.
(Kon ipadayon sa sunod administrasyon, nagtuo mi sa Duterte administration nagtuo kini ang ngilngig nga solusyon aron mawagtang ang korupsyon.)
Kahinumdoman nga niadtong Hulyo 23, 2016 gilagdaan sa pangulo ang Executive Order No. 2 series of 2016 o ang FOI Program nga maghatag ug ahigayonan nga masusi ang impormasyon sa mga opisina ubos sa executive branch.
Tubag sa pagpakyas sa niaging administrasyon ang nahimong lakang niadtong 2016 nga makamugna ug FOI law.
Matud pa ni Andanar nga mas lig-on kun ang hisgotan ang implementability ug significance ang pagpalabang sa balaod sa FOI program kaysa sa kasamtangang EO 2.
Apan positibo ang panglantaw sa kalihim nga sa dili pa matapos ang administrasyon ni Duterte, magbilin kini ug positibong epekto kun ang hisgotan kalabot sa pagbatok sa korapsyon.
