Sinulat ni Rey Anthony Chiu
Nanghangyo si Trinidad mayor Judith Cajes ngadto sa nasudnong kagamhanan pinaagi ni president Rodrigo Duterte ug sa Department of Health (DOH) nga unta kahatagan sila o dugang medical staff sa lungsod ilabi na karong panahon sa pandemya.
Kini nakita sa lungsod nga dako nga suliran, sanglit sa usa lamang ka doctor ug tulo ka nurses, halso wala na kini silay panahon nga ikatagana alang sa rural health center services.
Nagtutok ang tanang medical staff karon sa lungsod sa pagtubag sa pandemya, pinaagi sa pag-atiman sa mga gidudahang natakdan nga walay simtomas. Mga adunay yano nga simtomas ug ang pagpadagan sa programa sa pagpamakuna.
Ang Trinidad nagpadayon sa paghimo sa ilang matag adlaw nga pagpamakuna didto sa Municipal Gymnasium samtang aduna usab usa ka bahan sa mga medical personnel, medical frontliners ug volunteers nga naglibot aron magtubag sa cluster vaccination, sumbong ni Mayor Cajes didto sa Network Briefing News nga nabati sa tibuok Pilipinas.
“Buot nato nga mapaduol ang vaccination teams diin didto usab ang mga katawhan, matud ni Mayor Cajes nagdto kang Network Briefing News host ug Presidential Communications and Operations Office Secretary Martin Andanar, samtang nagpatin-aw sa cluster vaccination program sa lungsod.
Sa mga lugar diin himoon ang pagpamakuna, nakadeploy ang ilang doctor ug tulo ka nurses lakip na ang mga walo ka nurses nga gikan sa National Deployment Program sa DOH.
Tungod sa kasamtangan nga gitutokang pandemya ug sa pag-atiman sa paggahin ug panalipod sa katawhan, matud sa mayor, mabiyaan na usahay ang serbisyo sa RHU sama sa inadlaw nga mga konsultasyon, pre-natal visits ug mga ginagmay nga pagtubag sa emerhensya.
Bisan pa sa kalisud sa pag-apod-apod sa ilang oras sa pagserbisyo, hinuon, maayo pa gihapon ang accomplishment sa lungsod sa natad sa health care.
Sa kasamtangan, mikabat na sa 8,696 ka mga Trinidadnon ang nakakuha sa bakuna, taho sa mayor.
Hinuon dili tataw kon ang nahisgutang kadaghanon, naglakip ba niadtong nakakuha sa una ug ikaduhang bakuna, o sagol sa una nga tupokan ug sa mga nakakompleto na sa panalipod.
Apan niini, matud ni Cajes, sa 35,000 ka populasyon sa lungsod, tataw nga dili gyud sarang ang ilang medical staff, labi na usab sa pagseguro nga makuha na ang hern immunity sa labingd ali nga panahon.
Usa pa, nagpatukod ang lungsod karon sa bag-ong Rural Health Unit, nga nagsige pa ang pagtrabaho, dugang sa mayor.
Gipundohan sa nasudnong kagamhanan, sa DOH ug sa P2 milyones nga counterpart sa lungsod, ang bag-ong RHU sa Trinidad may ikauban unya nga kaugalingong materials recovery facility, patients waiting lounge, ambulance garage ug modern nga patients triage area.
Dinhi, sa higayon nga matibawas nag mahuman ang bag-ong RHU, mahimong mas tataw na ang panginahanglan sa medical staff, butang nga gilauman sa mayor ug mga opisyal sa lungsod nga mahatagan ug solusyon sa nasudnon
