Sinulat ni Elvira Bongosia
Nagpahinumdom ang Philippine Statistics Authority (PSA) nga walay bayad ang pag-deliver sa Philippine identification cards (PhilID) bisan asang parte sa nasud.
Gipaamping sa PSA ang publiko aron dili mahimong biktima sa “phishing scam “.
Matud pa sa PSA nga likayan gayud ang pag-click sa mga dili ilado ug dili pamilyar nga mga links o mga sites nga naningil ug delivery sa PhilID.
Gitambagan sa ahensya ang publiko nga bisitahon lamang ang mga opisyal nga Philsys website o Facebook page alang sa mga detalye kalabot sa Philsys.
Sa taho sa PSA, may kapin 5 milyon pang PhilID cards ang nakaandam nang i-deliver sa Philpost sa mga Philsys registrants.
