Sinulat ni Elvira Bongosia
Giklaro sa Commission on Elections (Comelec) nga mahimong magpa-substitute ug kandidato ubos sa political party lamang o kapartido.
Apan gipasabot sa tigpamaba sa Comelec nga si James Jimenez nga kun ang usa ka kandidato nidagang independent, wala siya’y katungod sa substitution.
Matud pa ni Jimenez nga hangtod Nobyembre 15, 2021 lamang ang filing sa certificate of candidacy (COC) alang sa substitution ug sa maong petsa usab ang deadline sa withdrawal.
Giingong paghuman sa Nobyembre 15, 2021, posible pa gihapon ang substitution apan may kabag-ohan sa patakaran gikan sa voluntary withdrawals.
Gipasabot ni Jimenez nga mahimo ang voluntary withdrawal apan adunay angay nga statement of withdrawal ang usa ka kandidato.
Samtang tugotan ang substitution pagkahuman sa maong petsa hangtod sa tungang gabii sa adlaw sa piniliay sa involuntary withdrawal o kun namatay o nadiskuwalipika ang usa ka kandidato.
Apan giklaro ni Jimenez nga kinahanglang pareha ug apelyido aron dili magdala ug kalibog sa pangalan nga naa na sa balota.
