Sinulat ni Elvira Bongosia
Nihatag ug pasidaan ang Technical Education and Skills Development Authority (TESDA) sa publiko kalabot sa pagbaligya online sa mga pekeng National Certificates (NC) nga gitanyag sa social media
Sa usa ka pahayag, miingon si TESDA Dir. Gen. Isidro Lapeña nga ang NCs gina-isyu sa ilang mga buhatan sa mga kwalipikadong indibidwal ug magamit kini sulod sa lima ka tuig.
“Ang tunay na NC po ay hindi for sale. Ang isang indibidwal na nakapasa lamang sa competency assessment ang entitled para magawaran ng NC,” matud pa sa pahayag ni Lapeña. (Ang tinuod nga NC ay dili ibaligya. Ang usa ka tawo nga nakapasar mao ang makadawat ug NC.)
Sa wala pa kini, nakadawat ug taho ang TESDA nga adunay mga grupo sa Facebook ang nagtanyag ug NCs alang sa nagkalain-laing technical-vocational courses bugti sa salapi.
Nasayran nga may mga pekeng NCs ang ginaapil usab sa pag-apply ug rabaho.
Ang ahensya may Registry of Certified Workers usab nga makita online mao nga mahimong masusi ang ilang pool of certified workers alang sa tino nga trabaho sa tibuok nasod. Mahimo kining makita sa TESDA website.
Matud pa ni Lapeña nga nakig-alayon na sila sa mga hingtungdan aron mahunong na ang online selling sa mga pekeng NCs.
