Sinulat sa PRIMER
Malipayong mipatimbaya si Gob. Art Yap sa blessing ug turnover ceremony of farm machinery didto sa lungsod sa Cortes niadtong adlaw nga Lunes, Okt. 18, 2021.
Dakong garbo ug kalipay sa gobernador nga nakadawat ug naka-benepisyo na ang local government unit (LGU) sa Cortes ug mga bag-ong makinarya alan sa pag-uma ubos sa gitawag ug Rice Competitiveness Enhancement Fund Mechanization Program (RCEF) diin usa siya sa mga nagpanday sa maong balaod samtang usa siya kanhi ka kongresista pa sa tersero distrito sa Bohol.
Ang RCEF maoy bag-ong programa sa gobyerno ubos sa Philippine Center for Postharvest Development and Mechanization (PHILMECH) nga nagtumong sa pagtabang sa atong mga mag-uuma pinaagi sa bag-ong mga makinarya.
Ang LGU-Cortes nakadawat sa duha ka four wheel tractor, lima ka hand tractor, lima ka floating tiller, lima ka mechanical rice transplanter, lima ka rice reaper, usa ka combine harvester ug 6 ka libo ka seed tray.
Gawas pa niini, mapasalamaton usab ang gobernador ngadto sa atong mga Barangay Livestock Aide (BALA) ug Barangay Health Workers (BHW) sa ilang walay puas nga pagserbisyo atol sa iyang pagtunol sa ilang mga honorarium.
Aduna usab kitay mga tourism workers nga nakadawat ug financial assistant ug mga kabatan-on nga nakadawat sa ilang sweldo ubos sa Special Program for Employment of Students (SPES).
Kauban sa gobernador sa maong kalihukan naglakip kanili ni: Cortes mayor Lynn Iven Lim, Cortes Sangguniang Bayan (SB) members, Congressman Edgar Chatto, Board Member Aldner Damalerio, Reymundo Gimenez sa PHILMECH ug mga opisyales sa mga barangay.
