Sinulat ni Rey Anthony Chiu
Mipasadayag ang ambassador sa Australia sa Pilipinas nga si Steven Robinson nga muhatag ug hinabang alang sa pagugmad taliwala sa pandemya nga nagkantidad ug P3 billion.
Sa iyang diskurso sa usa pakighinabi sa Philippine Information Agency (PIA) niadtong Okt. 20, 2021, matud sa ambassador nga tungod sa dugay ug lig-on nga relasyon tali sa Pilipinas ug Australia ang hinungdan sa paghatag ug hinabang.
Ang Austalia makigalayon sa Pilipinas sa matang sa imprastraktura ug uban pang mga proyekto sa pagugmad. Dugang pa, nga ang Austalia mutabang usab sa matang sa edukasyon, health care, ug uban pa aron matabangan ang Pilipinas sa kalisud tungod sa pandemya.
Ang Australia mihatag usab ug P490 million alang sa pagpamalit ug bakuna alang sa Pilipino, kay ang Pilipinas usa sa mga nasud nga naigo sa pandemya.
Muhatag usab ug tabang ang Australia sa pagmugna sa mga mobile vaccination teams sa Pilipinas nga giulohan ni Vaccine Czar Carlito Galvez Jr.
Matud ni Robinson nga muhatag usab ug kantidad nga P263 milyon alang sa logistics ug dugang nga P609 million alang sa mga personal protective equipment nga gamiton sa frontliners nga sakop sa Armed Forces of the Philippines (AFP).
Mitabang usab ang Australia sa Philippine Red Cross sa pagbutang ug mga testing centers sa Manila.
Sa matang sa ekonomiya ang adunay 300 ka mga Austrayano nga kumpanya nga naghatag ug pang empleyo sa dili mumenos sa 40,000 ka mga Pilipino.
