Sinulat ni Elvira Bongosia
Gikonsiderar na lamang nga naa sa low-risk classification sa Coronavirus disease (Covid) ang Pilipinas.
Kini ang gibutyag sa Department of Health (DOH) atol sa gipahigayong media forum adlaw nga Lunes, Oktubre 25, 2021.
Matud pa ni DOH Undersecretary Maria Rosario Vergeire, tanang rehiyon sa nasod naa na sa moderate-risk samtang ang uban naa sa low-risk classification na lang.
Dugang niini, gibutyag usab ni Vergeire nga nakatala na lamang ug -48% ang two-week growth sa Covid sa nasod.
Gikan sa 11.41, nakuhaan usab kini ug 5.89 na lamang ang average daily attack rate (ADAR) sa matag 100,000 nga populasyon.
Base sa datos sa DOH, naa sa 41.15% na lang ang bed utilization rate sa nasod, 37.65% sa mechanical ventilator utilization rate ug 53.15% sa ICU utilization rate.
