Sinulat sa PRIMER
Mibisita si Gob. Art Yap sa gipahigayon nga mobile vaccination sa lungsod sa Talibon niadtong Nob. 9, 2021.
Dakong kalipay sa gobernador nga iyang nakita ang atong mga kaigsuonan nga nagpabakuna na didto sa Cultural Center sa Poblacion, Talibon.
Matud pa sa gobernador nga bisan pa ug miubos na ang atong kaso sa Coronavirus disease (Covid) padayon gihapon ta nga magbinantayon ug proteksyonan ang atong kaugalingon ug pamilya pinaagi sa pagpabakuna.
Gipanghingusgan ni Gob. Yap ang pagpadala ug mga vaccination team sa nagkadaiyang lungsod sa atong lalawigan aron mas mapadali ang atong pagkab-ot sa herd immunity.
Ang atong vaccination team gipangunahan ni Dr. Cesar Tomas Lopez sa Provincial Health Office kauban usab ang atong mga medical frontliners sa Department of Health.
