Sinulat ni Rey Anthony Chiu
Mas daghan nga magmintinar sa mga kadalanan, pagtapak sa mga gubang aspalto, pagpangputol sa sagbot ug pagpang-ayo sa mga tulay maoy nagpahimong kasaligan ang kita sa usa ka kanhi barangay opisyal nga karon nangontrata na sa Department of Public Works and Highways Third Engineering (DPWH).
Dala sa mga ginagmay nga mga kontrata sa DPWH Engineering District III, nakakaplag ug kasaligang panginabuhian si Jovito Escabusa, 57 anyos ug kanhi barangay official sa Bagacay Pilar.
Si Escabusa, usa sa mga manghatag ug testimonya sa kaayohan nga natagamtam sa mga Bol-anon sa mga programa ni Presidente Duterte atul sa Duterte Legacy caravan didto sa Loay, Nob. 8, 2021.
Mga pagpatrabaho nga tanyag sa programa ni Presidente Rodrigo Duterte ang napasudlan ni Escabusa, pinaagi sa sa pagtabang usab ni Kongresista Kristine Alexie Tutor, matud pa niya.
Lakip sa grasscutter team sa DPWH, si Escabusa kinsa nagpasalamat ni Presidente Duterte sa mga kasamtangan niining programa sa pagpabukas ug mga kahigayunan sa pagpanarbaho.
Usahay usab, asoy ni Escabusa, road-clearing, grass cutting, paghimo ug mga riprap, pagpalig-on sa mga bakilid nga mahimong mahunlak unya sa kadalanan ug pagpalig-on sa mga tulay ang iya usab nga gikatampo sa mandu sa Presidente nga himoon nga mas hamugaway ang kinabuhi sa mga Bol-anon.
Usa ka dakung butang nga iyang nakat-onan, matud pa ni Escabusa, mao ang pilosopiya ug pamaagi sa DPWH ubos sa pagpangama ni Engr Magiting Cruz, nga nagpa-tul-id sa kinaiya sa mga trabahante sa kagamhanan.
Seguroha ang trabaho, kay moabut ra ang kwarta, sugid niya nga mandu ni Engr Cruz.
Didto sa mga pagpakighinabi sa mga nakontrata ni Engr Cruz, matud ni Escabusa nga kanunay niining gisilsil sa alimpatakan sa mga trabahante ang kalainan sa pagpanarbaho sa kagamhanan kaniadto ug sa panahon ni Duterte.
Kaniadto, matud niya, daghang mga tawo ang nagreklamo sanglit may mga kamanero sa DPWH niadto nga igkita nga maglingkodlingkod lamang palabay sa oras.
Karon, dili na, matud niya.
Gipausab na ang sistema u gang mga foreman ug engineer, naneguro na nga katumbas gayud sa sweldo ang trabaho nga gitanyag, pasabut niya.
Lahi ra, dugang niya, kon ang ipakaon sa pamilya, kwarta nga wala patulo-I sa singot, niya pa.
Gawas niana nga kinaiya, may tinubdan na kami sa dyutang ikapamugas, saysay niya.
Kaniadto, igo lang gyud nga ikapalit ug buwad, karon, makadala na kami ug lab-as nga sud-anon, gawas pa sa mas maayo nga kinaiya sa mga trabahante nga nakakontrata sa pagpanindot sa karsada.
Gawas ni Escabusa ug sa mga kaubanan niini nga nanarbaho isip kamanero, nasinati usab sa mga byahedor nga migamit sa mga dalan ang kahapsay ug kahanoy sa byahe.
Niini butyag niya, basin mao na kini ang giingon sa Presidente nga daku nga trabahoon, apan kon magkahiusa ang tanan sa pagbuhat sa nagay nga buhaton, kara ra nato ang tanan.
