Sinulat sa PRIMER
Personal nga gitunol ni Gob. Art Yap sa atong mga mag-uuma sa lungsod sa Batuan ug Bilar ang mga hybrid nga binhi ubos sa Advanced Rice Technology (ART) 160 nga programa niadtong Nob. 8, 2021.
Ang atong mga mag-uuma nga miyembro sa Kangwasay Irrigators Association sa Poblacion Sur, Batuan ug Kumilaw Irrigators Association, Roxbil Irrigators Association, Zamro Irrigators Association, Yanaya Irrigators Association, Logarita Irrigators Association sa lungsod sa Bilar ang nakadawat sa mga hybrid seeds para sa sunod nga ting-tanom.
Ang ART 160, nag-target ug 160 cavans per hectare para sa hybrid rice production.
Kini initiative nga gimugna ni Yap para ma-achieve nato ang rice self-sufficiency ug food security.
Pinaagi niini matabangan nato atong mga farmers nga maka-produce ug bugas, sa pag-gamit ug farm marchineries, sa post-harvest ug processing ug sa pag-establish ug mga warehouse.
Sa samang higayon, gitunol usab sa gobernador ang cheke para sa Brgy. Quezon isip tabang para sa mga proyekto sa ilang barangay ug lain usab nga P100,000 nga cheke para sa Brgy. Cansumbol para sa ilang proyekto sa panubig.
Nakahimamat usab sa gobernador ang atong mga Barangay Health Worker (BHW) sa Bilar ug personal nga gitunol ang ilang mga honorarium.