Bohol Tribune
Bisaya

Alert level systems alang sa Covid response, aprobado na ni PRRD; ipatuman na sa tibuok nasod

Sinulat ni Elvira Bongosia

Ipatuman na sa tibuok nasod ang alert level system (ALS) alang sa coronavirus disease (Covid) response.

Kini human gilagdaan ni Presidente Rodrigo Roa Duterte ang Executive Order No. 151 niadtong Huwebes, Nob. 11, 2021.

Klaro nga nakalatid sa EO nga obligasyon sa estado nga panalipdan ug ipatuman ang katungod sa maayong panglawas sa katawhan. Kini ang hinungdan nganong kinahanglang magpatuman na ang estado ug state of public health emergency sa tibuok nasod sa panahon nga adunay pandemya sa Covid.

Kini tungod kay grabeng naapektuhan ang kinabuhi sa mga indibiduwal ug mga pamilya sa tibuok kalibotan ilabi na ang sektor sa mga kabos sa Covid.

Magpatuman ang gobyerno ug mga tukmang lakang ug mga patakaran sama sa mga community quarantine alang sa kaluwasan sa kadaghanan.

Nakalatid pa gihapon sa EO nga ang pinakabag-ong patakaran mao ang alert level system nga base sa mga datos, naghatag karon ug kadasig ug balik sa ekonomiya  dungan sa padayon nga paghatag ug proteksyon sa panglawas sa mga tawo.

Tungod niini, ipatuman na sa tibuok nasod ang alert level system ubos sa upat ka yugto.

Phase 1 ang pagpaubos na karon sa alert level system sa NCR, Region 3, 4A, 6, 7, 10 ug 11.

Phase 2 ang sa Region 1, 8 ug 12.

Phase 3 ang Region 2, 5, ug 9 nga gipatuman niadtong Nob. 17, 2021.

Samtang phase 4 ang CAR, Region 4B, 13, ug Bangsamoro Autonomous Region in Muslim Mindanao nga ipatuman sa Nob. 22, 2021.

Related posts

Gihangop ni Duterte nga mangayo ug pasaylo ang WB sa paghatag ug sayup nga taho kabahin sa estado sa edukasyon sa nasud

The Bohol Tribune
4 years ago

DepEd nanawagan sa mga ginikanan nga dili maoy motubag sa module work sheets sa ilang mga anak

The Bohol Tribune
4 years ago

Saktong suholan sa mga holidays sa Pebrero, gipahinumdom sa DOLE

The Bohol Tribune
3 years ago
Exit mobile version