Sinulat ni Elvira Bongosia
Mahimo nang makadawat ang mga fully vaccinated health workers sa ilang booster shot sugod niadtong Miyerkoles, Nob. 17, 2021.
Kini ang gipahibalo sa Department of Health (DOH) sa publiko human maaprubahan sa Food and Drug Administration (FDA) ang emergency use authorization niini alang sa pipila ka vaccine brands.
“All fully-vaccinated healthcare workers may avail of booster doses starting 17 November 2021 (Wednesday),” matud pa sa gipagawas nga pahayag sa DOH.
(Tanang hingpit nga bakunadong health care worker mahimong matupokan ug booster shots.)
Dugang pa sa anunsyo sa DOH, bisan unsang brand sa bakuna nga unang natupok sa health workers mahimo na silang hatagan ug booster shot gamit ang Moderna, Pfizer, AstraZenicaug Sinovac.
Una nang naaprobahan sa DOH ang paghatag ug “booster” ug dugang Coronavirus disease (Covid) vaccine doses sa Pilipinas karong 2021 ug 2022 isip dugang proteksyon samtang nagkaubos ang ka-epektibo sa naunang mga shots.
Ang booster doses ihatag sa mga indibidwal nga nakakumpleto na ug duha ka Covid vaccines (o usa ka dose alang sa mga single-shot brands).
Ang ikatulo o dugang dose gigahin alang sa mga tawo nga kulang ang proteksyong nakuha sa primary series tungod kay wala kaayo nakahimo ug immunity sa lawas – kasagaran tungod sa mga adunay sakit o immunocompromised sila.
