Sinulat ni Elvira Bongosia
Giklaro ni Department of Health (DOH) Undersecretary Maria Rosario Vergeire nga mahimong magpahamtang ug dugang paghugot ang mga local government units (LGU) kalabot sa lihok sa mga bata.
Nihatag ug pahayag si Vergeire human gipaambit sa usa ka doctor sa niaging semana sa social media diin nagpositibo ang usa ka 2 anyos nga bata human misuroy sa mall.
Matud pa ni Vergeire nga naa usab sa LGU ang awtoridad nga susihon ang ilang sitwasyon.
Giingong mahimo usab sila mohatag ug dugang restrictions kong sa ilang tan-aw kinahanglang hugtan ug gamay ang paggawas sa mga bata.
Apan bisan pa niini, gitumbok ni Vergeire nga ang pagtugot sa mga bata nga mogawas taliwala sa pandemya adunay mga benepisyo sa panglawas.
Kini matud pa aron magbaton ug interaction sa ubang mga bata ug makahigayon sa pag-ehersisyo.
Apan gidugang pa sa kalihim nga isolated case lamang kini.
Matud pa nga nakasinati ug mild symptoms ang bata nga nagpositibo sa Coronavirus disease (Covid) .
Giingong nakigsulti na ang DOH sa pamilya sa bata.
Samtang gitumbok usab sa kalihim nga dili pa kumpirmado kong ang pagsuroy sa mall ang hinungdam kong nganong nagpositibo sa Covid ang bata tungod kay giingong may uban pang factor nga mahimong nakaingon mao nga nagpositibo kini.
