Sinulat ni Elvira Bongosia
Nanawagan ang Government Service Insurance System (GSIS) sa mga pensyonado karong panahon sa pandemya.
Sa Laging Handa Briefing sa Presidential Communications Operations Office (PCOO), miingon si GSIS VISMIN Operations Group Vice President Vilma Fuentes nga tumong sa panawagan sa ahensya nga awhagon ang tanang mga pensyonado nga himuong online ang ilang mga transaksiyon, sama sa Annual Pensioners Information Revalidation (APIR).
Matud pa nga kauban na usab niini ang application for commencement of pension o pagsugod sa pensyon.
Gi-awhag usab ni Fuentes ang tanang GSIS pensioners nga himuong online ang ilang transaksyon alang sa pag-aplay sa mga available loans nga gitanyag sa ahensya alang sa mga kwalipikadong pensyonado.
Gitumbok ni Fuentes nga gi-awhag nila ang mga GSIS pensioner sa pagtamod ug hatagan ug kamahinungdanon ang pakig-transkyon online aron mahimong luwas sa mga hulga sa panglawas ug aron makalikay sa kuyaw nga sakit nga Covid.
