Sinulat ni Arthur Bagcat
Padayon ang pagbakuna sa mga kabataan sa edad 12 hangtud 17 anyos sa lungsod sa Panglao ubos sa administrasyon ni Mayor Leonila P. Montero nga gipahigayon sa Panglao Cultural Center niadtong Nob. 25, 2021 pinaagi sa Panglao Intensified Vaccination Campaign (PIVAC) nga gipanguluhan ni Councilor Amira Alia Montero-Caindec.
Liboan gihapon sa mga kabatan-onan sa lungsod sa Panglao ang nakapahimulos sa bakuna nga ginama sa Moderna ug AstraZenica ug gipahigayon sa maong lungsod ubos sa buhatan sa mayor sa maong lungsod.
Hugtanon ang supporta gikan sa Municipal Health Officer (MHO) sa Panglao nga gipanguluhan ni Lolette Bonje Hora ug Medical
Consultant nga si Dr. Julita Cogo ug mga sakop niini, apil na ang Municipal Environment and Natural Resources Office (MENRO)
ubos sa liderato ni Catalino Sumaylo, sakop sa Rotary Club of Panglao Island, Rotaract Club of Panglao Island, Dr. Rhine Pamaong, mga nurses, gender and development staff, barangay health workers, Philippine National Police, staff sa buhatan sa mayor nga pinanguluhan ni JP Maslog ug Geah Marie Dollisen.
