Sinulat sa PRIMER
Gob. Arthur Yap mitambong sa gipahigayon nga year end assessment sa Philippine Councilor’s League (PCL)-Bohol niadtong adlaw nga Huwebes, Dis. 9, 2021.
Dakong kalipay sa gobernador nga nakatambong sa maong kalihokan diin usa siya sa ming-award sa paghatag ug pasidungog sa mga last termer nga mga konsehal.
Mapasalamaton usab si Yap sa atong mga konsehal sa ilang kakugi ug sa ilang pagserbisyo sa katawhan hilabi na karong panahon sa pandemya.
Gi-taho usab niya ang kasamtangang kahimtang sa atong lalawigan kabahin sa Coronavirus disease (Covid) ug nag awhag kanila nga ipadayon ang pagsunod sa mga health protocols.
Mitambong usab sa among kalihokan sila si Board Member Jescelo Adiong, ang presidente sa PCL-Bohol, Board Member Ricky Masamayor, Garcia Hernandez mayor Tita Baja, Bien Unido vice mayor Ramon Arcenal, Guindulman vice mayor Martin Lagura, Anda vice mayor Nilo Bersabal, Pilar vice mayor Eugene Datahan, Pres. Carlos Garcia vice mayor Nestor Abad, Col. Osmundo Salibo ang hepe sa Bohol Police Provincial Office, ug Atty. Abeleon Damalerio sa buhatan ni Cong. Edgar Chatto.
