Sinulat ni Elvira Bongosia
Gipahibalo ni Acting Presidential Spokesperson ug Cabinet Secretary Karlo Nograles ang paglagda ni Presidente Rodrigo Duterte ug executive order (EO) nga mag-regulate sa presyo sa tambal ug medisina nga gamiton agi ug tubag sa nag-unang hinungdan sa morbidity o mga sakit sa nasod.
Gibutyag ni Nograles nga gilagdaan ni Presidente Duterte ang EO No. 155 niadtong Martes, Dis. 7, 2021.
Nakalatid sa EO nga ang price regulation pinaagi sa Maximum Retail Price (MRP) ug Maximum Wholesale Price (MW) ipatuman sa “34 drug molecules and 71 drug formulas used in agents affecting bone metabolism, analgesics, anesthetics, anti-angina, antiarrhythmics, anti-asthma and chronic obstructive pulmonary disease medicines, antibiotics, anticoagulants, anticonvulsants, antidiabetic drugs, antidiuretics, and antiemetics.”
Nahisulod usab niining EO ang drug molecules ug formulas nga gigamit sa anti-glaucoma, anti-hypercholesterolemia medicines, antihypertensive medicines, anti-neoplastic/anti-cancer medicines, antiparkinsons drugs, tambal alang sa overactive bladders, growth hormone inhibitors, immunosuppressant drugs, iron chelating agents, ug psoriasis, seborrhea ug ichthyosis medicines.
Nalatid usab sa Section 2 sa EO nga gi-require ang tanang manufacturers, importers, distributors, wholesalers, traders, ug retailers alang sa pag-display sa retail price nga dili molapas sa MRP.
Gitumbok usab sa EO nga ang MRP, nag-una sa polong nga ‘RETAIL PRICE NOT TO EXCEED,’ ug ‘UNDER DRUG PRICE REGULATION,’ ipatik sa pula nga strip, tin-aw nga e-imprenta sa label sa sudlanan sa tambal sa minimum pack nga itanyag isip retail.
