Sinulat ni Elvira Bongosia
Gi-awhag sa Department of Health (DOH) ang publiko nga magpahigayon na lamang ug virtual Christmas party aron malikayan ang kaso sa Coronavirus disease (Covid).
Pahinomdom ni DOH Undersecretary Maria Rosario Vergeire, may hulga pa gihapon sa Covid sa nasod.
Matud pa sa kalihim nga mas maayo pa gihapon ang magpahigayon ug virtual parties karong Pasko.
Apan kun gusto gyud magpahigayon ug in-person celebrations, angay nga sundon uh hingpit ang minimum public health standards.
Pahinumdom pa ni Vergeire nga sa hulga sa Omicron variant, dili kita sigurado.
Apan gipahayag usab sa kalihim nga base sa estado nato karon ug sa mga pagbanabana, padayon ang pag-ubos sa mga kaso hangtod Disyembre 30.
