Sinulat ni Elvira Bongosia
Gipahinumdoman sa Department of Health (DOH) ang publiko kalabot sa kamahinungdanon sa pagpabakuna ug booster shots.
Matud pa sa gipagawas nga advisory sa DOH, mas kinahanglan karon ang booster shot, ilabi na nga gipaabot ang mas daghang face-to-face exposure sa trabaho ug sa mga social gatherings.
Giingong may hulga usab sa mga bag-ong Coronavirus disease (Covid) variants.
Mao nga gitumbok sa DOH nga angay magpabakuna ang publiko sa ilang mga booster shot sa higayong mahimo na silang bakunahan o unom ka buwan human ang ilang second dose partikular sa mga natupokan ug AstraZenica, Moderna, Pfizer, Sinovac, ug Sputnik vaccines, samtang tulo ka buwan usab alang sa mga nabakunahan ug Janssen.
Gidugang pa sa DOH nga ang AstraZenica, Moderna, Pfizer, ug Sinovac mga luwas nga gamitong bakuna isip booster.
Giingong kinahanglan lang nga makig-alayon sa ilang lokal nga kagamhanan aron makapa-book ug bakuna.
