Sinulat ni Dave Albarado
Lima ka mga generator sets ang gihatag ni Senador Sonny Angara nganhi kang Clarin Vice Mayor Allen Rey Piezas aron mapagamit sa atong mga kaigsoonang taga Clarin.
Ang mga generator sets ipahiluna sa atong mga coastal barangays ug sa Clarin Community Hospital aron magamit sa katawhan nga mahatagan ug kahayag, pag charge sa ilang mga cellphones, flashlights ug kagamitan sa ospital.Atol sa ceremonial turnover niadtong Enero 4, 2022, kauban ni Piezas ang mga barangay kapitan sa Poblacion Norte, Bonbon, Nahawan ug Tangaran nga maoy midawat sa gihatag nga generator sets sa senador.
Kalabot niini, personal nga gihatud ni Piezas ang generator sets niadtong Enero 6, 2022 sa barangay Bonbon, Poblacion Norte ug Clarin Community Hospital.
Gikalipay kaayug dako sa mga nahisgutang barangay uban ilang mga konseho ug ni Chief of Hospital Dr. Noel Manalo ang pagkabaton sa mga generator sets, matud ni Piezas.
Tungod niini, mapasalamaton si Piezas kang Angara sa gihatag nga mga generator sets nga magamit sa pipila ka mga barangay ug ang ospital sa maong lungsod.
