Sinulat ni Dave Albarado
Aktibong kaso sa Coronavirus disease (Covid) sa Bohol misaka na sa 49 base sa datos sa Bohol Inter Agency Task Force (BIATF) kagahapong adlawa, Enero 8, 2022.
Niadtong Enero 6, 2022 ang aktibong kaso mitala sa 29 ug misaka sa 50 ka mga kaso niadtong Enero 7, 2022, sumala pa sa BIATF.
Ang ihap sa mga namatay sa Covid sa miabot sa 582 ug ang kinatibuk-an nga ihap nga naulian sa moaong sakit kay 19,344 ka mga pasyente.
Ang mga dapit diin nga daghan ug kaso mao ang Tagbilaran nga adunay 14 ka kaso, Dimiao nga adunay 5 ka kaso, ang Loon adunay 3 ka kaso. ug ang mga lungsod sa Cortes, Tubigon, Loay, Talibon, Ubay ug Dauis nga adunay 2 ka kaso matag usa.
Sa laing bahin, si Gov. Arthur Yap nagpa-booster shot batok Covid ug subay niini iyang gi-awhag ang tanan nga magpa-booster shot aron dugang proteksyon ilabi na karon nga nikuyanap sa kaulohan ang Omicron variant.
Matud pa sa gobernador, gawas sa pagpa-booster shot, kinahanglan gihapon nga sundon ang mga minimum health standards aron makalikay sa sakit nga Covid.
