Sinulat sa PRIMER
Sama sa ubang ahensya sa gobyerno ang Bureau of Fire Protection (BFP) nagpadayon sa pagtabang sa paghatud ug mga relief goods, ilabina pagkaon, paghatag ug tubig, pag-ayo sa mga naguba, paghinlo sa kadalanan, ug daghan pang tahas.
Gipahibawo usab sa BFP ang umaabot nga dugang nga mga firetrucks gikan sa Central Office aron mapun-an ang ilang kapasidad sa post-typhoon response operation.
Uban kang Provincial Disaster Risk Reduction and Management Office head Dr. Anthony Damalerio, ilang gisusi ang building sa Civil Aviation Authority of the Philippinee (CAAP) sa wa na gigamit nga Tagbilaran City airport.
Nisugot si Gob. Arthur Yap nga gamiton una ang karaan nga airport kay ang provincial headquarter sa BFP naguba usab sa bagyong Odette.
Nagpasalamat ang kadagkuan ug sakop sa BFP sa gobernador kay gitagad gyod ni Yap ang unsa man nilang kakuwangan o kinahanglan samtang nagpadayon ang emergency response.
