Sinulat sa PRIMER
Si Department of Public Works and Highways (DPWH) Secretary Roger Mercado miduaw sa Bohol aron makita ang dakong kadaot nga gibilin sa bagyong Odette.
Nunot niini gi-abi abi ni Gob. Art Yap atol sa iyang pagbisita sa lalawigan sa Bohol niadtong Enero 5, 2022, sumala pa sa mga taho.
Mibisita si Mercado sa lungsod sa Trinidad ug didto iyang nakahimamat si
Mayor Judith Cajes sa maong lungsod, Mayor Virgilio Mendez sa San Miguel ug Mayor Rene Borenaga sa Bien Unido.
Gawas sa taho ni Yap kabahin sa mga kadaot nga nasinati sa Bohol gikan sa
Bagyong Odette, mipasa usab ang mga mayor sa maong mga lungsod ug mga detalyadong report kabahin sa kadaot nga nasinati sa ilang tagsa tagsa ka mga lungsod.
Sa iyang bahin, gi-siguro ni Mercado nga ilang buhaton ang tanan para mapaabot sa pinakadaling panahon ang tabang nga gikinahanglan sa mga katawhan.
Matud pa ni Mercado, ang mando ni Presidente Duterte mao ang pagsiguro nga mahatagan ug daling tabang ang tanang pang-gobyerno ug pribado nga mga pasilidad.
Kauban sa maong tigom ang nagkalain-laing kadagkuan sa DPWH sa nasyonal, rehiyon ug sa lalawigan.
