Sinulat ni Dave Albarado
Gipahigayon sa Department of Trade and Industry (DTI) ang Diskwento Caravan sulod sa 3 ka adlaw gikan sa Enero 6 ngadto sa Enero 8, 2022.
Nagsugod ang maong caravan sa Ubay dayon miadto sa Talibon sugod Enero 7 hangtud sa 8, 2022.
Gihimo ang caravan taliwa sa gikabaniog nga pagsulbong sa presyo sa gamit
alang sa konstruksyon.
Gidala sa Department of Trade and Industry (DTI) Bohol ang mga lokal nga suplier sa gamit pamanday ug mga dagkong tindahan sa nag-una nga paliton ug panginahanglanon atul sa ilang Diskwento Caravans nga gisugdan kagahapon.
Una na nga gisumbong sa mga konsumidor ang kalit nga pagsaka sa presyo sa sin (galvanized iron sheets) para atup usa ka adlaw human ang bagyo nga Odette.
Gumikan niini, nakig tigom ang DTI sa mga local suppliers ug distributors sa nag-una ug batakang panginahanglanon ug paliton lakip na ang namaligyag hardware ug materyales sa construction alang sa Diskwento Caravan.
Kuyog usab sa caravan ang mga mekaniko nga sakop sa lokal nga automobile industry kinsa maghatag sa serbisyo sa pag-ayo sa ginagmay nga daut sa mga sakyanan gumikan sa bagyo.
Tuyo sa Diskwento Caravan ang pagtanyag sa sayun nga paagi sa mga konsumidor ngadto sa barato ug dekalidad nga produkto ug serbisyo subay sa kasamtangang presyo niini.
