Sinulat ni Dave S. Albarado
Gipanghimakak ni Loay mayor Hilario Ayuban sa Loay nga walay buaya ang nagsuroy suroy sa Loay human iyang gipasusi ang taho nga adunay samang mananap nga nakit-an sa maong lungsod.
Miingon si Ayuban nga pinasikad sa imbestigasyon sa Philippine Coast Guard nga adunay usa ka tourist attraction nga adunay binuhi nga buaya.
Apan, ang maong buaya kay namatay ug gilubong dayon.
Matud ni Ayuban nga ang tourism destination sa Agape, Loaynga gipanag-iyahan ni Sangguniang Bayan (SB) Member Eman Palapar ug human sa bagyo, gitaho dayun ni Kapitan Noel Imboy sa barangay Agape, Loay ug gikumpirmar ni Kag. Eman Palapar nga namatay ang maong buaya.
Aron masuta gayud ug tinood nga adunay buaya nga gilubong, gipakubkub ang lubnganan ug tinood nga adunay gilubong nga buaya duol ra pud sa tourism destination.
Human niini gihangyo sa mayor sa Loay ang Philippine Coast Guard pagsusi sa silingang dapit sa Sevilla ug ugaling naa bay nakabuhing buaya didtong dapita.
Dugang pa ni Ayuban nga itaho kaniya ug ugaling naay makakita ug buaya nga nag suroy suroy kay dili lalim ang kabalaka ang nasinati sa mga katawhan tungod kay adunay buaya nga nakabuhi.
